Лондоннинг "Арсенал" клуби ҳужумчиси Раҳим Стерлинг ўйин амалиёти кам бўлишига қарамай, клубни эрта тарк этишни режалаштирмаяпти. Бу ҳақда Mirror Football хабар бермоқда.
Эслатиб ўтамиз, Стерлинг "Арсенал"да ижара асосида ўйнайди. 30 ёшли вингернинг меҳнат шартномаси "Челси"га тегишли.
"Канонирлар" бош мураббийи Микель Артета жорий мавсумда Стерлингни барча мусобақаларда 11 та ўйинда майдонга туширди. Ушбу учрашувларда футболчи атиги битта гол урди ва иккита голли узатмани амалга оширди.













