«Манчестер Юнайтед» марказий ҳимоячиси Харри Магуайр «қизил иблислар»нинг амалдаги бош мураббийи Рубен Аморим ва жамоанинг собиқ устози Эрик тен Хаг ишидаги фарқни қайд этди.
“Ҳаммаси мураббийларнинг бошқарув услубларига боғлиқ. Аморим ва Тен Хаг ўхшаш услубларга эга эмас.
Улар нимани хоҳлашлари ва нима талаб қилишлари нуқтайи назаридан бутунлай қарама-қаршидир. Шунинг учун ўтиш даври қийин бўлишини ваъда қилмоқда.
Ҳаммамиз мураббий ва унинг штабига катта ишонч билан қараймиз.
Ишончим комилки, ҳаммаси яхши томонга ўзгаради. Аморим клубни қайтариш учун нима қилиш кераклигини яхши билади.
У ҳақиқатан ҳам талабчан", - дея Магуайрнинг сўзларини келтирмоқда Sky Sports.
