"Рома" бош мураббийи Клаудио Раньери "Милан" билан ўйиндан (1:1) кейин ўз таассуротлари билан ўртоқлашди.
“Россонерилар” 16-дақиқада Тижани Рейндерснинг саъй-ҳаракатлари билан олдинга чиқиб олди, бунга римликлар тезкор жавоб қайтаришди – 23-дақиқада Пауло Дибала ҳисобни тенглаштирди.
Қолган вақтларда томошабинлар гол кўришмади.
"Иккинчи бўлимда биз "Милан" биринчи бўлиб қилган ишни уддаладик. Ажойиб ўйин, иккала жамоа ҳам ғалаба қозониш учун ўйнади.
Бу ҳам мухлисларимизни, ҳам “Милан” мухлисларини қониқтирган адолатли натижа", деди Раньери.
