Душанба куни "Милан" бош мураббийи ўзгарганини эълон қилди. Пауло Фонсека ишдан бўшатилди, Серхио Консейсау эса жамоанинг янги бошқарувчиси бўлди. Португалиялик 2026 йилнинг ўрталарига қадар мўлжалланган меҳнат шартномасини имзолади.

Журналист Альфредо Педулла ўз веб-сайтида "Милан" ўтган ҳафта Маурицио Саррига мурожаат қилганини ёзди. 65 ёшли мутахассисга шартномани узайтириш имконияти билан олти ойлик шартнома таклиф қилинган.

Сарри бунга рад жавобини берди ва бунга жавобан "россонерилар" Чемпионлар лигасига йўлланма олсалар, шартномани яна бир марта узайтириш имконияти билан бир ярим йиллик меҳнат шартномасини сўради. Натижада томонлар келишувга эриша олишмади.