"Манчестер Юнайтед" бош мураббийи Рубен Аморим кетма-кет тўртинчи мағлубиятдан сўнг тактика ҳақидаги саволга жавоб берди.
“Қизил иблислар” ўз майдонида “Ньюкасл”га мағлуб бўлди (0:2) ва 2024-йилни АПЛ турнир жадвалида 14-ўринда якунлади.
Баҳс тугаганидан сўнг журналистлар португалияликдан вазиятни яхшилаш учун тактик ўзгаришлар қилмоқчими, деб сўрашди.
"Ҳар бир ўйинда тактик ўзгаришлар қиламан. Ўйиндан ўйинга ўзгаришлар бўлиб туради, буни кўрасиз.
Агар мен ўз тизимимга ишонмаганимда, бу клубга келмасдим. Агар бирор нарсага ёпишиб олсам, бунга эришмасдан қўймайман", деди Аморим.
