2024 йилги мавсумни "Олимпик" клубида бошлаган ва давралар оралиғида "Бунёдкор" футбол клубига ижарага берилган марказий ҳимоячи Асадбек Раҳимжонов яна ОКМК таркибига келиб қўшилди.
Раҳимжонов ўзининг ижарадаги вақтида ҳам ўз жамоаларига катта ҳисса қўшган ва самарали ўйинлари билан мухлисларнинг эътиборини қозонган эди. Эндиликда у мавсумнинг қолган қисмида ОКМК ФК манфаатлари учун майдонга тушади.
Маълумот учун, 20 ёшли ҳимоячи Асадбек Раҳимжонов, 2024 йилда Қатарда бўлиб ўтган ОФК U-23 Осиё Кубогида 2-ўрин соҳиби бўлиш билан бирга, 2022 йилда (2023 йилда) Хитойда бўлиб ўтган Осиё ўйинларида бронза медали билан тақдирланган. Шунингдек, у 2024-йилги Париж Олимпиадасида Ўзбекистон олимпия терма жамоасининг шарафини ҳимоя қилган.
