"Манчестер Юнайтед" ҳужумчиси Маркус Рэшфорд инглиз клубини тарк этиш имкониятларини излаш борасидаги саъй-ҳаракатларини кучайтирди. Рэшфорд етакчи спорт агентлиги Stellar билан январь ойида фойдали келишувга эришиш умидида музокаралар олиб бормоқда, дея хабар беради The Sun.
Нашрнинг ёзишича, Рэшфорд шу орқали "Манчестер Юнайтед" билан шартномасини бекор қилиш устида ишлаш учун кўпроқ кучларни жалб қилмоқчи. Шу билан бирга, Маркуснинг манфаатларини укаси Дуэйн Мейнард ҳимоя қилишда давом этмоқда.
Stellar 2013 йилда Гарет Бэйлнинг "Тоттенхэм"дан "Реал Мадрид"га ўтишида ёрдам бергани билан машҳур бўлиб, бу футболнинг энг йирик трансферларидан бири ҳисобланади.
