"Ювентус" бош мураббийи Тьяго Мотта "Милан"га қарши бўлиб ўтадиган Италия Суперкубоги ярим финал учрашуви ҳақида гапирди.
Учрашув 3 январь, жума куни бўлиб ўтади.
"Кўрамиз эртага Консейсау асосий таркибда ўйнайдими, ёки йўқ! Биз ажойиб жамоага қаршимиз ва буни ҳаммамиз биламиз.
Эртанги ўйин бошқача бўлади. Биз ғалаба қозониш ва олдинга бориш учун қўлимиздан келганини қилишимиз керак.
Бундай ўйинларда иштирок этиш ёқимли, биз бу ишни юқори даражада рақобат қилиш учун қиламиз.
Эртага майдонга чиқиб, энг яхши ўйинини кўрсатишни истамайдиган футболчини тасаввур қила олмайман.
Биз энг яхши "Милан" билан учрашишга тайёрмиз, чунки биз яхши ишлаяпмиз ва катта турнирларга ўрганиб қолган жамоа билан рақобат қилиш учун нима қилишимиз кераклигини биламиз", - дея Моттанинг сўзларини келтирмоқда клуб матбуот хизмати Х ижтимоий тармоғида.
