"Интер" Италия Суперкубогининг илк финалчисига айланди, Симоне Индзаги шогирдлари "Аталанта"ни 2:0 ҳисобида мағлуб этишди.
"Аталанта" бош мураббийи Жан Пьеро Гасперини сўнгги ўйиндаги воқеаларга изоҳ берди. Унга рақибнинг голларидан бири ёқмади ва яна ВАР тизимидан нолиди.
"Албатта, "Интер" кучли жамоа, балки ҳозир энг кучлиси ҳам. Техник жиҳатдан улар биздан устун қолмоқда, бироқ ўйинимиздан мамнунман.
ВАР яна ёмон таассурот қолдирди, Де Кетеларенинг офсайд ҳолатини бартараф этиш учун етти дақиқа вақт керак бўлди.
Яна бир гол бекор қилинди ва бу аниқ гол эди, Дюмфрис ҳам Сальвинини туртиб юборганди", дея Гасперинининг сўзларини келтиради fcinter1908.it.
