"Барселона" ярим ҳимоячиси Дани Ольмонинг агенти Энди Бара унинг мижози Каталония клубида қолишни исташини айтди.
"Биз “Барселона” раҳбариятини ҳурмат қиламиз, улар ёзда Ольмони қўлга киритиш учун кўп иш қилган.
Бизга бу ерда қурилаётган лойиҳа ёқади, бу жамоа дунёнинг энг яхшиларидан бирига айланиши мумкин.
Ишончимиз комилки, "Барселона" худди Месси давридаги каби яқин келажакда барча чемпионликларни қўлга киритади.
Мен, оилам ва Ольмонинг ўзи - ҳаммамиз Данининг "Барселона"да ўйнашини хоҳлаймиз. Ишонаманки, “Барселона” вазиятни ҳал қила олади", - дея Баранинг сўзларини келтиради журналист Фабрицио Романо.
