"Ан-Наср" ва "Ал-Қодисия" клублари "Манчестер Юнайтед" ярим ҳимоячиси Каземирога қизиқиш билдирмоқда. Футболчи “қизил иблислар”нинг янги бош мураббийи Рубен Аморимнинг режаларига кирмайди.
Каземиро 2022 йилнинг август ойида "Реал"дан "Манчестер Юнайтед"га ўтган эди. Унинг шартномаси 2026 йилнинг июнигача амал қилади. Жорий мавсумда 32 ёшли ҳимоячи барча турнирларда 22 та ўйин ўтказиб, 3 та гол уришга муваффақ бўлди.
Аввалроқ “Манчестер Юнайтед” қишки трансфер ойнасида 3 нафар футболчиси билан хайрлашишни режалаштираётгани ҳақида хабар берилганди.
