Каталониянинг “Барселона” клуби бош мураббийи Ханс-Дитер Флик футболчилар Даниэль Ольмо ва Пау Викторнинг Ла Лига мавсумининг иккинчи қисмига рўйхатдан ўтиши билан боғлиқ вазиятни муҳокама қилишдан бош тортди.
"Мен Дани Ольмо ва Пау Виктор ҳақида гапиришни хоҳламайман. Бу менинг ишим эмас. Бугун мен президент билан гаплашдим ва клубга ишончим комил. Улар ўз ишини қиладилар, мен эса ўзимники", - деди Флик.
Аввалроқ, Испания футбол федерацияси “Барселона”нинг 2024/2025 йилги мавсумнинг иккинчи ярми учун аризасига ярим ҳимоячи Даниэль Ольмо ва ҳужумчи Пау Викторни киритиш ҳақидаги илтимосини кўриб чиқмаган эди.
