Англия терма жамоаси ҳимоячиси Харри Магуайр камида яна бир мавсум “Манчестер Юнайтед”да қолади. Клуб шартномани бир йилга 2026 йилнинг ёзига қадар узайтириш вариантини фаоллаштиришга қарор қилди. Бу ҳақда жамоа бош мураббийи Рубен Аморим маълум қилди.
"Биз бу вариантни фаоллаштирамиз. Бизга Харри жуда керак. У етакчи сифатида яхшиланиши керак, чунки бизга майдонда етакчилар керак", деди Аморим жума куни бўлиб ўтган матбуот анжуманида.
Магуайр 2019 йилда 80 миллион фунт эвазига "Лестер"дан "Манчестер Юнайтед"га ўтган эди. Жорий мавсумда 31 ёшли футболчи клуб сафида 16та ўйин ўтказиб, 1та гол урган.
