"Реал Мадрид" ВАР жорий этилгандан бери ҳисобга олинмаган голлар бўйича Ла Лигада етакчилик қилмоқда.

Бугун "Лос Бланкос"нинг "Валенсия" дарвозасига урган голи ВАР текширувидан сўнг инобатга олинмади. Ла Лига учрашувининг 60-дақиқасида Килиан Мбаппе гол урди, аммо унинг голи Жуд Беллингемнинг узатмасидан кейин офсайд туфайли бекор қилинди.

Журналист Педро Мартин ёзганидек, ВАР Мадриднинг жами 29 та голини бекор қилди.

"Севилья"да 18 та гол бекор қилинган бўлса, "Атлетико", "Сельта" ва "Вильярреал"да 16 тадан бекор қилинган гол бор эди. Текширувдан сўнг "Реал Сосьедад"нинг 15 та, "Валенсия"нинг 14 та голи рад этилди.

"Барселона" ва "Эспаньол"да 13 тадан гол инобатга олинмаган.