28 май куни биринчилик баҳсларида 12-тур учрашувлари ўтказилади. Мазкур турда Азамат Абдураимов шогирдлари ўз майдонида “Хотира-79” жамоасини қабул қилишади. Бу ўйин “Соғлом авлод” стадионида соат 17:30да бошланади.
Мухлисларга шуни маълум қиламизки, ушбу баҳс олдидан “Андижон” ва “Фарғона” фахрийлар жамоалари ўртасида ўртоқлик учрашуви бўлиб ўтади. Мухлисларга яхши маълумки, бу йилдан “Андижон” клуби фахрийлар жамоасига эътибор қаратиб ўйинлар ташкил этиб бермоқда. Бундан аввал “Андижон” ва “УзДонгЖу” фахрийлари ўртасида учрашув ўтказилганди.
Бу сафар Андижонга “Фарғона” фахрийлар жамоаси ташриф буюради. “Фарғона” фахрийлар жамоаси таркибида ишқибозлар Сергей Лебедов ва ака-ука Дўрмоновларнинг ўйинини гувоҳи бўлишади. Фахрийлар ўртасидаги беллашув шу куни соат 16:30да бошланади.
