Лука Модрич "Реал Мадрид" сафидаги ўйинлари сони бўйича 10-ўринни эгаллаб турибди.
39 ёшли ярим ҳимоячи Мадрид клуби сафида барча турнирлар доирасидаги 561-ўйинини ўтказди ва Ла Лига доирасида "Валенсия" билан ўйинда (2:1) гол урди. Хорватиялик футболчи Пирри билан тенглашди, у ҳам "Реал" сафида 561 та ўйин ўтказган.
577 учрашув билан рўйхатда 9-ўринни Хосе Антонио Камачо эгаллаб турибди. Рекорд Раулга тегишли - 741.
Кучли саккизликка, шунингдек, Икер Касильяс (725), Маноло Санчис (710), Серхио Рамос (671), Карим Бензема (648), Сантильяна (645), Фернандо Йерро (601) ва Франциско Хенто (600) киради.
