Кеча, Ла Лига доирасидаги "Валенсия" - "Реал" қолдирилган учрашувини (1:2) бошқариб борган Сесар Сото Градо ўйин протоколида Винисиуснинг қизил карточкасига шундай изоҳ берган:
"79-дақиқада 7 рақамли футболчи Винисиус Жосе де Оливейра До Насимиенто тўпсиз вазиятда, ўз хоҳишига кўра, рақиб дарвозабоннинг бошига зарба бергани сабаб майдондан четлатилди.
Майдондан четлатилганидан кейин, юқорида номи келтирилган футболчи, ўз жамоадошлари аралашувидан кейин ажратилди ва кийим алмаштириш хонасига қаршиликлар кўрсатиб йўл олди".
Ҳакам ёзган гаплар жиддий, бу гапларни Испания футбол федерацияси қандай талқин қилиши дисквалификация муддатини аниқлаб беради.
