"Реал" ҳужумчиси Винисиус Жуниор Испания чемпионати доирасида "Валенсия"га қарши ўйинда қизил карточка олди. Дастлаб бразилиялик интизом кодексининг 103-моддасига кўра, 4 тадан 12 та ўйингача дисквалификация қилиниши мумкинлиги тахмин қилинганди.
Бироқ, «Marca» хабар беришича, Винисиуснинг ҳаракатлари тажовузкорлик эмас ва провокация кўринишидаги енгиллаштирувчи омилга эга. "Реал" форварди икки ўйинга дисквалификация қилиниши кутилмоқда.
Винисиус бўйича қарор танлов комиссияси томонидан қабул қилинади. Учрашув қачон бўлиб ўтиши ҳозирча номаълум.
