"Ливерпуль" вингери Федерико Кьеза Англияга кўчиб ўтганидан атиги олти ой ўтиб Италияга қайтиши мумкин.

27 ёшли футболчи "қизиллар"нинг асосий таркибидан муқим жой ололмади. Миш-мишларга кўра, италиялик футболчи январда клубини ўзгартиришни режалаштирмоқда. Журналист Валентин Феле хабар беришича, "Ливерпуль" ҳам Кьеза билан хайрлашишни афзал кўрмоқда: инглиз гранди раҳбарияти уни сотиб олишга қизиқаётган "Наполи" билан ижара бўйича келишиб олишга умид қилмоқда.

Федерико Кьеза ўтган йилнинг август ойида 12 миллион евро эвазига "Ювентус"дан "Ливерпуль"га ўтган эди. Футболчи Арне Слот жамоасида барча турнирларда атиги тўртта ўйин ўтказган.