"Барселона" ярим ҳимоячиси Гави машғулотлардан биридан кейин асабини жиловлай олмади.

Шанба куни 20 ёшли футболчи иккинчи бўлим бошланишидан олдин захирадан майдонга тушиб, каталонияликларга Испания кубогида "Барбастро"ни мағлуб этишга ёрдам берди (4:0). Catalunya Radio'га маълум бўлишича, ҳавбек яқинда кийиниш хонасида содир бўлган воқеа туфайли қўли боғланган ҳолда ўйнаган: Гави 31 декабрь куни бўлиб ўтган машғулотда ўз ҳаракатларидан норози бўлган ва ғазабдан деворга қаттиқ зарба берган, бу эса жиддий жароҳатга олиб келиши мумкин эди.

Эслатиб ўтамиз, Гави 2023 йилнинг ноябридан 2024 йилнинг октябригача хочсимон бойлам узилиши сабабли майдонга тушмаган эди. Футболчи жорий мавсумдаги 14 та ўйинда битта голли узатмани амалга оширди.