"Барселона" ярим ҳимоячиси Дани Ольмонинг келажаги рўйхатдан ўтиш билан боғлиқ вазият туфайли ноаниқ бўлиб қолмоқда.

Испания Қироллик футбол федерацияси "кўк-анорранглилар"га ҳужумкор хавбекни рўйхатдан ўтказишни рад этди - агар муаммони ҳал қила олмаса, футболчи мавсумнинг иккинчи ярмида каталонияликлар сафида ўйнай олмайди. Журналист Руди Галетти маълумотига кўра, Саудия Арабистони чемпионати вакиллари Ольмонинг имзоланиши эҳтимолини аллақачон ўрганмоқда. Ўтган йилнинг ёзида "Ан-Наср" испанияликка даъвогарлик қилганди.

Дани Ольмо "Барселона" сафида 15 та ўйин ўтказиб, олтита гол урди ва битта голли узатмани амалга оширди. Август ойида Ла Лига гранди футболчини "РБ Лейпциг"дан 55 миллион еврога сотиб олди.