"Бавария" дарвозабони Мануэль Нойер қовурғаси синганидан тикланишни давом эттирмоқда.

Мюнхенликлар сардори жароҳати сабаб жамоанинг 2024 йилдаги сўнгги тўртта ўйинини ўтказиб юборган. Ҳозирда 38 ёшли дарвозабон чекланган юклама билан машғулотларни давом эттирмоқда. У соғлиғини хавф остига қўймаслик учун икки томонлама ўйинларда қатнашмайди. Бироқ, Bild хабарига кўра, фахрий юлдузнинг майдонга қайтиши 11 январь куни, яъни "Бавария" қишки танаффусдан кейинги илк ўйинини Мёнхенгладбахнинг "Боруссия"сига қарши ўтказиши режалаштирилган.

Манба, шунингдек, Мануэль Нойернинг "Ред Булл Зальцбург"га қарши бўлиб ўтадиган ўртоқлик ўйинида иштирок этиши сўроқ остида эканлигини таъкидлайди. Ўйин душанба куни бўлиб ўтади.