"Барселона" вингери Ламин Ямал Испания Суперкубоги ўйинлари учун бутун жамоа билан Саудия Арабистонига учиб кетади. Бу ҳақда Diario Sport журналисти Тони Хуанмарти хабар берди.
Эслатиб ўтамиз, 17 ёшли Ямал 2024 йилнинг декабрь ойи ўрталаридан бери жароҳати туфайли майдонга тушмаяпти.
Манбага кўра, Ямал "Барселона" билан Жиддага йўл олади, бироқ у умумий гуруҳ билан бир ёки иккита машғулот ўтказишга вақт топа олади холос. Таъкидланишича, ҳаммаси унинг ҳолатига боғлиқ, чунки на клуб, на футболчининг ўзи таваккал қилишни хоҳламайди.
Манбанинг таъкидлашича, Ямал ўйинларда қатнашишни ва Суперкубокда "Барселона"га ёрдам беришни хоҳлайди, бироқ у буни 100 фоиз тайёр бўлсагина қилиш кераклигини тушунади.
