“Монако” дарвозабони Филипп Кён Франция Суперкубогида “ПСЖ”дан учралган мағлубият (0:1) ҳақида фикр билдирди. Швейцариялик дарвозабон 9 марта сейв амалга оширди, аммо бу унинг қўшиб берилган вақтда гол ўтказиб юборишига тўсқинлик қилмади.
"Қўшимча вақтда диққатимизни кучайтиришимиз керак. Бу мағлубиятни қабул қилиш қийин, лекин бу футбол. Эътиборимизни чемпионатга қаратиш учун ушбу учрашувдан унумли фойдаланишимиз керак", - дея Кённинг сўзларини келтиради "Монако" матбуот хизмати.
Франция чемпионатида “Монако” турнир жадвалида учинчи ўринда бормоқда, пешқадам “ПСЖ”дан фарқ эса ўн очкога тенг.
