"Рома" бош мураббийи Клаудио Раньери "Лацио" билан ўйинда (2:0) Лоренцо Пеллегринига сардорлик боғичининг қайтарилиши ҳақида фикр билдирди.
"Кеча Пеллегрини мен билан гаплашгани келди, мен унинг дербида "Рома" сардори бўлишни жуда хоҳлаётганини англадим. Мен бу суҳбатни интиқлик билан кутгандим, чунки ҳар бир мураббий мотивацион футболчини кутади.
Мен уни "Милан"га қарши ўйинда майдонга туширдим, лекин у ўзини максимал даражада кўрсатмади, аммо Лоренцо "Лацио"га қарши ўйинда ўйнаши кераклигига ишончим комил эди. "Лацио" дарвозасига гол? Голлар унинг қонида, у ўйиннинг ушбу қисмида энг яхши италиялик ярим ҳимоячилардан бири", - дея Раньери сўзларини келтирмоқда DAZN.
