"Roma" bosh murabbiyi Klaudio Ranyeri "Lasio" bilan o‘yinda (2:0) Lorenso Pellegriniga sardorlik bog‘ichining qaytarilishi haqida fikr bildirdi.
"Kecha Pellegrini men bilan gaplashgani keldi, men uning derbida "Roma" sardori bo‘lishni juda xohlayotganini angladim. Men bu suhbatni intiqlik bilan kutgandim, chunki har bir murabbiy motivasion futbolchini kutadi.
Men uni "Milan"ga qarshi o‘yinda maydonga tushirdim, lekin u o‘zini maksimal darajada ko‘rsatmadi, ammo Lorenso "Lasio"ga qarshi o‘yinda o‘ynashi kerakligiga ishonchim komil edi. "Lasio" darvozasiga gol? Gollar uning qonida, u o‘yinning ushbu qismida eng yaxshi italiyalik yarim himoyachilardan biri", - deya Ranyeri so‘zlarini keltirmoqda DAZN.
