Мадриднинг “Реал” клуби ҳужумчиси Килиан Мбаппе декабрь ойида жамоанинг энг яхши футболчиси деб топилганига муносабат билдирди.

"Мухлисларга менга овоз бергани учун раҳмат айтмоқчиман, бу жуда катта аҳамиятга эга. Декабрь мен ва жамоа учун ажойиб ой бўлди, чунки биз Қиталараро кубокни, кўплаб лига ўйинларини ва Чемпионлар лигасидаги муҳим ўйинда ғалабни қўлга киритдик", - дея Мбаппенинг сўзларини келтиради "Реал" расмий сайти.

Декабрь ойида Мбаппе "Реал Мадрид" таркибида олтита ўйинда майдонга тушиб, бешта гол урди ва иккита голли узатмани амалга оширди.