Нидерландиялик ҳужумчи Жошуа Зиркзее жорий трансфер ойнасида клубини ўзгартириш ниятида.
Футболчи биринчи бўлимда алмаштирилган "Ньюкасл" билан (0:2) ўйиндан сўнг Манчестер клубини тарк этишга қарор қилди. Форвард агентига ўз хоҳиши ҳақида маълум қилган.
Зиркзее Италияга қайтишни хоҳлайди. Жошуанинг хизматларига "Ювентус", "Болонья" ва "Милан" қизиқиш билдирмоқда.
Жошуа ўтган ёзда "Манчестер Юнайтед"га ўтган эди. Футболчи “қизил иблислар” сафида 28 та ўйин ўтказиб, 4 та гол урди ва 3 та голли узатмани амалга оширди.
