Германия терма жамоаси ва Лондоннинг "Вест Хэм" клуби ҳужумчиси Никлас Фюллькруг фаолиятини Италияда давом эттириши мумкин.
Calciomercato хабарига кўра, "Ювентус" немиснинг хизматларига қизиқиш билдирмоқда, бу шартнома футболчини сотиб олиш имкониятини ўз ичига олади. Қайд этилишича, "Ювентус" бюджети қишда тўлиқ трансферга имкон бермайди.
31 ёшли германиялик футболчи Англия Премьер-лигасининг жорий мавсумида "Вест Хэм" сафида бор йўғи 9 та ўйинда майдонга тушиб, 2 та гол урди ва битта голли узатмани амалга оширди. Ҳужумчининг инглиз клуби билан шартномаси 2028 йилнинг 30 июнига қадар мўлжалланган.
