"Реал" президент сайлови бошланганини эълон қилди.
"Президент директорлар кенгашининг бугунги йиғилишини тинглади ва "Реал Мадрид" футбол клуби низомининг 38-моддаси бандига мувофиқ, президент ва директорлар кенгаши сайловига чақирув жараёнини бошлашни сўраб, сайлов кенгашига мурожаат қилди," - дейилади Мадрид клуби баёнотида.
AS нашрининг ёзишича, эртага сайлов кенгаши сайлов бошланганини эълон қилади. Номзодлардан аризалар 8-18 январь кунлари қабул қилинади. Флорентино Перес ўз номзодини бошқа ҳеч ким кўрсатмаса, яна 4 йил ўз лавозимида қолади.
Перес 2009 йилдан бери "Реал" президенти лавозимида ишлаб келаётганди - ўшанда у ягона номзод эди. 2013 йил, 2017 йил ва 2021 йилларда ҳам унинг рақиби бўлмаган.
