"Атлетик Бильбао" клуби ўнг қанот ҳимоячиси Оскар де Маркос Испания Суперкубоги ярим финалида "Барселона"га қарши ўйиндан олдин Ламин Ямал ҳақида фикр билдирди.
"У асосий таркибда тушадими буни билмаймиз. Лекин у ўзгача футболчи эканлиги ҳақиқат. Унинг кўплаб фазилатлари бор. Унга қарши ҳимояланиш қийин, лекин биз бор кучимиз билан ҳаракат қиламиз. Биз унга ўхшаган ўйинчиларга қарши туришда жамоавий иш, бир-биримизга ёрдам беришга таянамиз", - деди де Маркос.
Эслатиб ўтамиз, "Атлетик Бильбао" - "Барселона" учрашуви бугун тунги соат 00:00 да бошланади.
