Таниқли италиялик журналист Фабрицио Романо Лондоннинг "Челси" клуби украиналик вингер Михайло Мудрикнинг танасида допинг аниқлангани учун футболдан вақтинча четлатилгани сабабли унинг ўрнига ўринбосар билан шартнома имзолаши мумкинлигини тасдиқлади.

Инсайдер хабарига кўра, "кўклар" қишки трансфер ойнасида Мудрик ва клубдаги ўрнидан норози бўлган ҳужумчи Кристофер Нкункунинг ҳолатини инобатга олган ҳолда ҳужумни кучайтириш имкониятини кўриб чиқмоқда.

2024/25 йилги мавсумда Мудрик "Челси" сафида 15 та ўйин ўтказиб, 3 та гол урди ва 5 та голли узатмани амалга оширди.