"Барселона"нинг бир қатор акциядорлари Жоан Лапортанинг умрбод дисквалификация қилинишини талаб қилди.

Diario Sport нашри хабарига кўра, Каталония клубининг бир гуруҳ акциядорлари ўзларини "мустақил" деб атаган ҳолда клуб интизом комиссиясига президент Жоан Лапорта ва "Барселона" бошқаруви аъзолари - хусусан, Рафа Юсте ва Елена Форт устидан шикоят юборган.

Бунга Дани Ольмо ва Пау Викторни рўйхатдан ўтказиш билан боғлиқ муаммолар сабаб бўлган, бу эса акциядорлар хабарига кўра, моддий ва обрўсига путур етказган, шунингдек, клуб маблағларининг нотўғри сарфланиши ҳақида гапирган.

Мактубда акциядорлар Лапорта ва директорлар кенгаши аъзоларини клубда раҳбарлик лавозимларида ишлашдан умрбод четлатиш ёки клубдан четлатиш ва иқтисодий зарарни тўлашни талаб қилишган. Акс ҳолда, даъвогарлар Каталония футбол федерацияси ва Каталония спорт судига мурожаат қилишга тайёр.