"Бавария" ярим ҳимоячиси Жамол Мусиала клуб билан янги шартнома борасида келишиб олишга яқин турибди.
Футболчи ва унинг вакиллари шартнома февралдан кечиктирмай имзоланиши кераклигига ишонч билдирмоқда. Операцияни осонлаштириш учун Мусиала аллақачон молиявий талабларини 4-5 миллион еврога камайтирган. 21 ёшли футболчи ҳозирда йилига 25-26 миллион евро маош талаб қилмоқда, дея хабар беради журналист Флориан Плеттенберг. Ҳужумкор ярим ҳимоячининг даромади кўп жиҳатдан унинг ўйинларига боғлиқ бўлади ва шартномада турли узоқ муддатли бонуслар ҳам бўлади - масалан, "Олтин тўп"ни қўлга киритиш учун.
Компенсация тўлаш бўйича қарор ҳали қабул қилинмаган. Шунингдек, Жамол Мусиала 2029 ёки 2030 йилгача шартнома имзоламоқчи эканлиги маълум. У бошқа клублар билан музокаралар олиб бормаяпти.
