Лондоннинг "Арсенал" клуби бош мураббийи Микель Артета вингер Нико Уильямсни ўз жамоасида кўрмоқчи.
Испаниялик мураббий 22 ёшли футболчини ўзининг асосий трансфер мақсади деб ҳисобламоқда, аммо январда келишувга эришиш жуда қийин бўлади. Бундан ташқари, журналист Жон Кросс хабар беришича, Уильямснинг ёзги трансфери ҳам футболчининг талаблари туфайли қийин кўринмоқда: у ҳафтасига 350 минг евродан кўпроқ маош олмоқчи.
Нико Уильямсга "Барселона", "Бавария" ва бошқа Европа футбол гигантлари ҳам қизиқиш билдирмоқда. "Атлетик" юлдузининг шартномасида 60 миллион еврога яқин сотиб олиш банди бор.
