Кеча тушдан кейин “Шўртан” футболчиларининг айримлари жамоа автобусида Ғузордаги қароргоҳга етиб келишди. Бугун эса қолган футболчиларнинг келиши кутилмоқда. Кеча Тошкентдан Павел Леус, Александр Корнейчук, Жамол Отақулов, Элёр Интизомов, Иброҳим Отахонов, Шукур Жумабоев, Дилявер Абибуллаев, Азиз Мансуров, Олим Каримов, Бобур Тўраев каби футболчилар йўлга чиқишганди.
Жамоанинг барча аъзолари бугун йиғилганидан сўнг 31 май куни бўлиб ўтадиган “Бухоро” билан кечадиган баҳсга тайёргарлик кўриш бошланади. Катта эҳтимол билан Шавкат Раимқулов жароҳат олгани туфайли бу ўйинни ўтказиб юборади.
