Ҳимоячи Александр Зинченко "Арсенал"нинг асосий таркибидаги ўрнини йўқотди. Лондон жамоаси бош мураббийи Микель Артета украиналик футболчини сотиш ғоясига очиқ. «The Sun» хабарига кўра, Зинченкога "Интер" қизиқиш билдирмоқда. А Сериянинг топ-клуби 28 ёшли футболчи таркибдаги рақобатни кучайтира олишига ишонмоқда.
Шу билан бирга, такидланишича, "Арсенал" "Милан"дан чап қанот ҳимоячиси Тео Эрнандеснинг ҳолатини кузатиб бормоқда. Олдинроқ, франциялик футболчи шартномасини узайтириш арафасида эканлиги ҳақида маълумотлар пайдо бўлганди.
Зинченко нуфузли «Transfermarkt» портали экспертлари томонидан 30 миллион еврога баҳоланмоқда.
