"Манчестер Сити" жорий мавсумда "Ноттингем"нинг асосий ўйинчиларидан бирини ўз сафига қўшиб олмоқчи.

GiveMeSport нашри манбалари берган маълумотларга кўра, "шаҳарликлар" раҳбарияти ҳозирда АПЛ турнир жадвалида "Манчестер Сити"дан юқори ўринда бораётган жамоанинг муҳим фигураси бўлган Ола Айну билан шартнома имзолаш имкониятини кўриб чиқмоқда.

Клуб ўнг қанот ҳимоячиси сифатида ҳам ўйнай оладиган 28 ёшли нигериялик қанот ҳимоячисини сотиб олишга умид қилмоқда. Пеп Гвардиола мавсум охирида 35 ёшга тўладиган Кайл Уокернинг ўрнига узоқ муддатга ўринбосар топишни истамоқда.

Ола Айнунинг "Ноттингем" билан амалдаги шартномаси 2025 йилнинг ёзида тугайди, шунинг учун "Манчестер Сити" унинг ҳолатини диққат билан кузатиб боради.