Истанбулнинг "Истанбул Башакшеҳир" клуби Москванинг ЦСКА клубининг сербиялик легионери Милан Гайичга қизиқиш билдирмоқда. Бу ҳақда Max Sport нашри хабар бермоқда.
Миланнинг ЦСКА билан амалдаги шартномаси жорий мавсум охиригача амал қилади. Қайд этилишича, 28 ёшли серб турк клубидан трансфер бўйича таклиф олган. Сербия терма жамоаси футболчисини Transfermarkt портали 4 миллион еврога баҳолаган.
Жорий футбол мавсумида легионер “қизил-кўклар” сафида 19 та ўйинда майдонга тушди. "Истанбул Башакшеҳир" Истанбулнинг Европа қисмида жойлашган. Клуб ўз тарихида бир марта мамлакат чемпионига айланган.
