Антонио Кассано Маркус Рэшфорднинг маҳоратига юқори баҳо берди.
"Манчестер Юнайтед" ҳужумчиси январь ойида "Милан"нинг асосий мақсади бўлгани хабар қилинганди. Унга "Комо" ва "Ювентус" ҳам қизиқиш билдирмоқда.
"Биз фантастик футболчи ҳақида гапиряпмиз, мен у ҳақида ақлдан озганман. Уч эмас, беш эмас, ўн йил олдин эмас, атиги бир ярим йил олдин у вингер сифатида ўйнаган бўлса-да, мавсумни 28 гол билан якунлаганди. Фантастик футболчи. "Манчестер Юнайтед"да нимадир унинг учун ишлашни тўхтатди, аввалига тен Хаг қўл остида, энди эса Аморим қўл остида.
Муаммо шундаки, у йилига 12 миллион евро маош олади. Италияда бундай харажатларни ким кўтара олади? Ҳеч ким.
Агар Маркус "Милан" ёки "Ювентус"га ўтса яхши бўларди, лекин унинг бизнинг лигага ўтиши мумкин эмас деб ўйлайман", - деди собиқ италиялик форвард Viva El Futbol телеканалида.
