"Манчестер Юнайтед" марказий ҳимоячиси Лени Йоро Англияга кўчиб ўтганидан сўнг ўзининг мослашуви ҳақида гапирди.
Француз ўтган йилнинг июль ойида "Лилль"дан "қизил иблислар" сафига ўтганди. 19 ёшли футболчи жароҳат туфайли деярли дарҳол сафдан чиқди ва фақат декабрь ойида майдонга қайтишга муваффақ бўлди.
"Тўғрисини айтсам, ҳаммаси яхши кетмоқда. Бу ерда менга керак бўлган ҳамма нарса бор. Бизнинг дўстона жамоамиз бор ва таркибда бошқа ёш футболчилар ҳам бор, бу ҳам ёрдам беради. Бу ердаги об-ҳаво Франция шимолидаги каби, шунинг учун бу борада алоҳида ўзгаришлар йўқ.
Инглиз тилини аста-секин ўзлаштириб, ўзимни тўғри ифодалай бошлаяпман. Энг қийини нутқни тушуниш, чунки улар бу ерда урғу билан гапиришади, лекин ҳозирча ҳеч қандай муаммо бўлмаган", — деди Йоро Telefoot нашрига.
