"Барселона" марказий ҳимоячиси Рональд Араухо "Ювентус"нинг радарида қолмоқда.

Уругвайлик футболчи Каталония клуби билан шартномасини узайтиришга шошилмаяпти, эҳтимол бу таклифлар тушса раҳбариятни уни сотиш ҳақида ўйлашга мажбур қилади. Catalunya Radio хабарига кўра, итальян клуби Араухони сотиб олиш учун 30 миллион евро етарли бўлади, деб ҳисобламоқда. Агар аввалроқ тарқалган миш-мишларга ишонадиган бўлсак, "Барселона" марказий ҳимоячининг трансферидан анча кўп - тахминан 60-70 миллион евро ишлаб олмоқчи.

Рональд Араухонинг "Барселона" билан шартномаси 2026 йилнинг ўрталарида якунига этади.