"Милан"нинг юлдуз вингери Рафаэль Леау жамоанинг янги бош мураббийидан мамнунлигини айтди.
"Сержиу Консейсау клубга янги куч ва ўзгача менталитет олиб келди. Айнан унинг шарофати билан Италия Суперкубогини қўлга кирита олдик. Милан дербисида ғалаба қозониш ақл бовар қилмайдиган бўлди, бу бизга бошқаларни ютиш учун тўғри йўлда эканлигимизни эслатди", деди футболчи.
Пауло Фонсека истеъфога чиқарилганидан сўнг жамоани Консейсау қабул қилиб олди. 50 ёшли португалиялик "россонерилар" бошқарувида бор-йўғи иккита ўйин ўтказгандан сўнг клуб билан илк совринини қўлга киритди.
