"РБ Лейпциг" "Вольфсбург" футболчиси Ридл Бакуни ўз таркибига қўшиб олди. Ўнг қанот ҳимоячиси сифатида тўп тепадиган асли конголик немис футболчи "буқалар" билан икки ярим йиллик шартнома имзолади.
Баку 26 ёшда ва жорий мавсумда барча турнирларда 18 та ўйин ўтказиб, 2 та гол урди ва 3 та голли узатмани амалга оширди.
«Transfermarkt» портали футболчини 7 миллион еврога баҳоламоқда.













