"Ливерпуль" вингери Федерико Кьеза "Милан"га ўтмайди.
27 ёшли футболчи январда ижарага кетиши мумкин, чунки у Арне Слот жамоасида деярли ўйин амалиёти олмаяпти. Журналист Марко Контерионинг ёзишича, Кьеза хизматлари "Милан"га таклиф қилинган, аммо "россонерилар" қизиқиш билдирмаган ва "Ювентус"нинг собиқ футболчисини рад этган.
Федерико Кьеза жорий мавсумда "Ливерпуль" сафида барча мусобақаларда тўртта ўйинда майдонга тушиб, битта голли узатмани амалга оширди.













