“Нефтчи” жамоаси атрофида яна миш-мишлар пайдо бўла бошлади. Айрим интернет нашрларида тажрибали мутахассис Амет Мемет “Нефтчи” бош мураббийи бўлиши мумкинлиги ҳақида хабарлар тарқалди.
Шуни айтиш жоизки, Амет Мемет Фарғонада иш бошлагани рост. Аммо бош мураббий лавозимида эмас, аксинча маслаҳатчи мураббий сифатида Евгений Шохинга ёрдам беради. Таъкидлаш жоиз, 21 май куни Евгений Шохин расман “Нефтчи” бош мураббий этиб тайинланган.
Яна такрор айтамиз, “Нефтчи” жамоамизга доир маълумотлар фақат клубнинг расмий веб сайти www.fcneftchi.uzда бериб борилади. “Нефтчи” жамоасининг матбуот хизмати фаолияти янгидан шакллантирилмоқда. Шу боис жамоа билан боғлиқ турли норасмий янгиликларни ҳеч қандай асосга эга эмас деб ҳисоблашингизни сўраймиз.
“Нефтчи” ПФК матбуот хизмати
