"Наполи" яқинда жамоани тарк этиши мумкин бўлган вингер Хвича Кварацхелиянинг ўрнини тўлдириш имкониятларини ўрганмоқда.
Яқинда ишончли манбалар грузиялик футболчи "ПСЖ" билан келишувга эришгани ҳақида хабар берган эди. Журналист Саймон Маллокнинг ёзишича, "Наполи" Кварацхелия ўрнига "Манчестер Юнайтед" футболчиси Маркус Рэшфорд вариантини кўриб чиқмоқда. "Қизил иблислар" 27 ёшли футболчини қишки трансфер ойнасида ижарага беришга тайёр. Неаполликлар инглиз учун "Милан", "Барселона", "Боруссия Дортмунд" ва бошқа юқори мақомга эга Европа клублари билан курашишлари керак.
