"Ювентус" бош мураббийи Тиаго Мотта "ПСЖ" ҳужумчиси Рандал Коло-Муанини сотиб олишини хоҳламоқда.
Француз гранди бош мураббий Луис Энрикенинг режаларига тўғри келмайдиган форвард билан хайрлашмоқчи. "Ювентус" 26 ёшли футболчига даъвогарлар қаторида, "Тоттенхэм", "Манчестер Юнайтед" ва "Милан" ҳам курашда. Журналист Фабрис Хокинснинг ёзишича, "бьянконерилар" устози Мотта Коло-Муанини ўз жамоасида кўришни истамоқда ва клуб раҳбарияти январь ойида шартномани якунлашига умид қилмоқда. Футболчининг ўзи ҳали якуний қарорга келгани йўқ.
Transfermarkt маълумотларига кўра, Рандал Коло-Муанининг нархи 30 миллион эврони ташкил қилади.
