"Yuventus" bosh murabbiyi Tiago Motta "PSJ" hujumchisi Randal Kolo-Muanini sotib olishini xohlamoqda.
Fransuz grandi bosh murabbiy Luis Enrikening rejalariga to‘g‘ri kelmaydigan forvard bilan xayrlashmoqchi. "Yuventus" 26 yoshli futbolchiga da’vogarlar qatorida, "Tottenxem", "Manchester Yunayted" va "Milan" ham kurashda. Jurnalist Fabris Xokinsning yozishicha, "byankonerilar" ustozi Motta Kolo-Muanini o‘z jamoasida ko‘rishni istamoqda va klub rahbariyati yanvar oyida shartnomani yakunlashiga umid qilmoqda. Futbolchining o‘zi hali yakuniy qarorga kelgani yo‘q.
Transfermarkt ma’lumotlariga ko‘ra, Randal Kolo-Muanining narxi 30 million evroni tashkil qiladi.













