Ҳимоячи Кайл Уокер қишки трансфер ойнасида "Манчестер Сити"ни тарк этиш истагини билдирди. Сўнгги кунларда миш-мишлар Уокерни "Милан" билан боғлашди. "Transfer News Live"нинг таниқли журналист Лоик Танзига таяниб хабар беришича, 34 ёшли Уокер "Милан" хўжайинларининг маслаҳатчиси Златан Ибраҳимович билан музокара олиб борган. Инглиз ва швед "россонерилар"нинг спорт лойиҳасини муҳокама қилишди.

Эслатиб ўтамиз, Кайл Уокернинг "Манчестер Сити" билан амалдаги шартномаси 2026 йилнинг ўрталарига қадар тузилган. Нуфузли "Transfermarkt" портали экспертлари тажрибали футболчини 10 миллион еврога баҳоламоқда.